السؤال الأهم قبل تأجيل الحمل في بداية الجواز ؟
السؤال الأهم قبل تأجيل الحمل في بداية الجواز ؟ يمكن السؤال الشائع دايمًا: تأجلي الحمل بإيه؟
لكن الأهم منه: هل تأجلي أصلاً ولا لأ؟
ليه السؤال ده مهم؟
لأن متوسط سن الجواز دلوقتي اتأخر عن زمان، ومعاه زادت مشاكل الخصوبة.
زمان، نبع الحنان كانت تتجوز عند 20 سنة (وأحيانًا قبل كده)، أما دلوقتي متوسط سن الجواز بقى من 30 لـ 35 سنة، ومعاه الزوجة ممكن كمان تحب تأجل الحمل سنة أو سنتين.
إيه علاقة ده بالخصوبة؟
- المرأة بتتولد بحوالي مليون بويضة.
- مع سن البلوغ (11-12 سنة) بيقلوا لـ 300-400 ألف.
- بيحصل ضمور طبيعي للبويضات لحد سن اليأس في الخمسينات.
أعلى معدل خصوبة: من 18 لـ 30 سنة.
وده ما بيتغيرش، لكن زمان كان الجواز بدري، فتقدر تخلف براحتها. دلوقتي بنأجل، وده بيحطنا في وش مشاكل تأخر الإنجاب.
الحل؟
قبل ما تأجلي، اعرفي عدد البويضات.
- لو العدد قليل، ممكن الحمل دلوقتي يكون أسهل، لكن التأجيل يخليه أصعب بعدين.
- فكري مش في أول بيبي بس، لكن في عدد الأولاد اللي نفسك فيهم والفترة بين كل حمل.
مثال:
لو عمرك 33 وأجلتي سنتين، هتبقي 35، وبعد الحمل والرضاعة هتوصلي 38، وده بيأثر على فرص الحمل التالي.
الخطة الإنجابية
مصطلح بسيط: عدد أفراد الأسرة + مدة تكوينها.
الدكتور بيحسبها لك بناء على:
- عمرك.
- مخزون المبيض.
- عدد الأطفال اللي نفسك فيهم.
- مدة التأجيل.
الوسيلة المناسبة للتأجيل
- الأقراص المركبة: هرمونين، 21 يوم وبعدين نزول الدورة.
- الأقراص الأحادية: هرمون واحد، 28 يوم، غالبًا بدون دورة.
مهم:
- ما تستخدميش الحقن إذا كنتِ عايزة الحمل بسرعة بعد الإيقاف.
- ما تعتمديش على المنع الطبيعي لأنه نسبة فشله عالية.
💡 الخلاصة:
الخطة الإنجابية مش أقل أهمية من فستان الفرح أو اختيار الطرح. فكروا فيها من بدري علشان قراراتكم تكون صح.
