بعد الاستحمام من الدورة ولسه في ريحة؟! 🤔
بعد الاستحمام من الدورة ولسه في ريحة؟! 🤔
ما تقلقيش، الموضوع ليه أسباب واضحة وحلول بسيطة… واللي هنعرفه سوا دلوقتي.
1. ريحة “المعدن” أو “النحاس”
لو حسيتي بريحة زي الحديد أو النحاس، فده غالبًا ناتج عن أكسدة الحديد الموجود في دم الدورة لما يتعرض للهواء.
🩸 طبيعي يحصل ده بعد انتهاء الدورة، والريحة دي بتروح بسرعة.
2. ريحة “الخميرة” أو “العجين”
📌 دي علامة على وجود عدوى فطرية، خاصة لو معاها:
- حكة
- إحمرار
- إفرازات بيضا زي المناديل المقطعة
الفطريات بتحب الأماكن الرطبة، وبتسبب التهابات واضحة.
3. ريحة “السمك” أو “الزفارة”
مش فطريات… ولا بكتيريا ضارة، ومن علامات الإصابة:
- إفرازات خضرا أو رمادية
- ريحة واضحة أثناء العلاقة
- تغيير في لون ورائحة الإفرازات
دي محتاجة تدخل طبي.
4. ريحة “الليمون” أو الحمضيات 🍋
لو مافيش أعراض تانية، فالريحة دي طبيعية جدًا وسببها الحموضة الصحية للمهبل.
💡 لا تحتاج لأي علاج.
5. ريحة نفاذة أو كأن في حاجة “ميّتة”
🚨 ده مؤشر خطير!
لو نسيتي فوطة داخلية أو تمبون جوه، بتعمل ريحة قوية جدًا، وهنا لازم تتوجهي فورًا لطبيبة.
ليه بيحصل كل ده؟
ربنا خلق للمنطقة الحساسة نظام بيئي متكامل فيه بكتيريا نافعة بتحافظ على التوازن.
لكن خلال الدورة:
- الدم بيكون قلوي
- ده بيغيّر البيئة الطبيعية
- فالبكتيريا الضارة تلاقي فرصة تنمو
طيب إيه الحل؟ الحل في الروتين 👇
✅ 1. التهوية واللبس المناسب
- البسي ملابس داخلية قطنية
- ابعدي عن البوليستر والستان
- سيبي الجلد يتنفس
✅ 2. غيري الفوط الصحية بانتظام
- ما تسيبيهاش أكتر من 3-4 ساعات
- الحفاظ على الجفاف بيقلل العدوى
✅ 3. الميه وبس!
- التشطيف الخارجي فقط
- ممكن بصابونة طبية متعادلة
- التشطيف الداخلي = خطر × خطر
✅ 4. التنشيف من الأمام للخلف
- ده بيمنع نقل البكتيريا من فتحة الشرج للمهبل
إمتى لازم تروحي للدكتورة؟
❗لو عندك:
- ألم في البطن
- حرارة أو حرقان
- ألم وقت العلاقة
- إفرازات خضرا أو صفرا أو زي الجبن
- ريحة قوية مستمرة رغم النظافة
أسئلة البنات الشائعة 💬
س: بعد ما الدورة تخلص، بينزل إفرازات بُني ليها ريحة؟
ج: طبيعي!
دي بواقي دم كانت محبوسة وبتنزل بعد يومين. ريحتها بتروح بعد يوم أو اتنين.
س: هل لازم المنطقه تكون ريحتها فاكهة؟
ج: طبعًا لأ!
المنطقة الحساسة ليها ريحة طبيعية خفيفة ومميزة، مش لازم تبقي “معطر جو”.
ولو شمّيتي ريحة خفيفة صيفًا، ده عادي زي باقي الجسم.
س: بحس إني مش مرتاحة غير لما أغسل من جوه؟
ج: ده اسمه وسواس نظافة، وغسيل المهبل من جوه بيقتل البكتيريا النافعة وبيسبب مشاكل مش نظافة!
خلاصة الكلام 💡
الريحة رسالة… والمهم إنك تفهميها وتتصرفي صح، مش تطنشيها أو تستخدمي منتجات ضارة.
اهتمي بنظافتك، بس بعقل، وبلاش وسوسة!
