ليه في واحدة بتاكل كيك وشوكولاتة وما بتتخنش… وانتي من ريحة الأكل بس بتتخني؟

ليه في واحدة بتاكل كيك وشوكولاتة وما بتتخنش… وانتي من ريحة الأكل بس بتتخني؟ الفرق بينك وبين صاحبتك اللي بتاكل وما بتتخنش مش حظ ! الموضوع له علاقة بالنشاط اليومي، الكتلة العضلية، النوم، التوتر، وحتى الهرمونات. اعرفي الأسباب وخطوات الحل.

عمرك سألتِ نفسك: إزاي صاحبتك تاكل كيك وشوكولاتة وما بتتخنش؟
وانتي لو شفتي صورة كيك في بوست، وزنك يبان عليه تاني يوم!
السر مش في الأكل بس… السر في جسمها بيتعامل إزاي مع الأكل.”

أسباب إن في واحدة تاكل وما تتخنش وانتي العكس

1. النشاط الحركي اليومي

وفي ست تانية قاعدة على مكتب 8 ساعات… حركتها زي مروحة مكتب بطيئة.
النتيجة؟ الأولى بتحرق أكتر حتى من غير رياضة!

في ست شغالة طول النهار: بتنضف، بتغسل، بتتحرك… جسمها زي مروحة سقف شغالة 24 ساعة.

2. الكتلة العضلية

العضلات بتستهلك سعرات حتى وانتي قاعدة.

كل ما زادت عضلاتك، زاد الحرق.
عشان كده تمارين المقاومة (زي السكوات والضغط) بتفرق جدًا ➡️.

3. الرجيم القاسي والتكيف الأيضي

لما تعملي دايت قاسي، جسمك يفتكر إن في مجاعة يبدأ يقلل الحرق عشان يعيش.

النتيجة؟ ما بتاكليش… وبرضه ما بتخسيش.

4. نوع الأكل مش كميته

قطعة بسبوسة صغيرة = سعرات كتير جدًا وفاضية.

البروتين والألياف بيتحرقوا ببطء ويشبعوا.

السكريات والدهون سهلة التخزين وتفتح الشهية.

5. النوم

قلة النوم بتلخبط هرمونات الجوع والشبع.
النتيجة ؟ نفسك في حلويات طول الوقت.

6. التوتر

الكورتيزول (هرمون التوتر) يخلي الدهون تتخزن في البطن.
وكمان يزود الشهية للأكل المسكر والدسم.

7. الهرمونات

وسائل منع الحمل (زي الحقنة الثلاث شهور) ممكن تزود الوزن واحتباس المية.

مشاكل زي الغدة الدرقية أو مقاومة الأنسولين تبطّأ الحرق.

الحل العملي

1. الحركة

10 دقايق مسح أو ترتيب البيت بعد الأكل تفرق!

من 8,000 لـ 12,000 خطوة في اليوم.

2. تمارين المقاومة

3 أيام في الأسبوع: سكوات، ضغط على الحيط، نص ساعة على الأقل.

3. النوم المنتظم

نامي بدري وفي معاد ثابت، جسمك هيشكرِك.

4. الأكل الصحي

وداعًا للبسكوت، المشروبات الغازية، الشوكولاتة قبل النوم، الإندومي.

اكلك كله بروتين : عباره عن بياض بيض، فراخ، تونة، عدس.

ركزي علي الخضار والفاكهة يوميًا.

نشويات معقولة: عيش سن، رز بني.

5. بدائل ذكية للرغبة في الحلو

نفسك في شوكولاتة بالليل؟
➡️ استبدليها بفكهة أو مكسرات بسيطة.

الخلاصة

الموضوع مش “حظ” ولا “وراثة بس”.
الفرق بينك وبين صاحبتك اللي ما بتتخنش هو:

• نشاطك اليومي.
• كمية العضلات في جسمك.
• نومك، توترك، وأكلك.

ابدأي بخطوات صغيرة زي الحركة، النوم، والبروتين… وهتشوفي فرق كبير.

تابعي مقالات أكتر على FWOnly – للنساء فقط، هتلاقي كل النصايح اللي تساعدك توصلي لوزن صحي وتعيشي حياة متوازنة.