هل المزلقات بتأخر الحمل؟ القصة اللي محدش بيحكيها!
هل المزلقات بتأخر الحمل؟ القصة اللي محدش بيحكيها ! كانت لسه عروسة جديدة، متجوزة من شهور قليلة، وكل مرة تيجي تقرب من جوزها وتحاول تبدأ علاقة… الجفاف والألم بيمنعوها. وبدل ما تستمتع، دماغها بتزن:
“يا ترى المزلق هو السبب في تأخر الحمل؟”
السؤال ده محير ناس كتير. علشان كده خلونا نحكي القصة ببساطة… بس كأنك شايفاها فيلم !
🛻 المشهد الأول: الحيوان المنوي تايه في الزحمة!
تخيلي الحيوان المنوي راكب تاكسي، بيعدي وسط البلد في عز الزحمة… داخل من المهبل، بيعدي عنق الرحم، رايح على قناة فالوب علشان يوصل للبويضة.
لكن الطريق فيه مطب… اسمه “جل مزلق”!
لو الجل لازج، يعطل السواقة. ولو الجل زلق زي الصابون، ممكن يساعد التاكسي يوصل أسرع.
هنا بنفهم إن مش كل المزلقات زي بعض… في منها بيساعد، وفي منها بيعطل، وفي منها بيوقف الطريق خالص.
أنواع المزلقات وتأثيرها على الحمل:
1. ✅ المزلقات الصديقة للخصوبة
هتلاقي مكتوب عليها:
“Fertility-friendly” أو “لا تؤثر على حركة الحيوانات المنوية”.
دي مصممة مخصوص علشان تكون خفيفة، ما تبطّأش الحيوانات، ولا تقتلها. ممكن تساعد على الحمل لو العلاقة مؤلمة.
2. 💧 المزلقات المائية (Water-based)
مصنوعة من الميه. لو مكتوب عليها “ماء” بس، تمام.
لو فيها سكر أو جلسرين؟ سيبك… ممكن تعمل التهابات وتزعج البكتيريا النافعة.
3. 🧴 المزلقات السيليكون
بتدّي ترطيب أفضل، وتدوم وقت أطول. مناسبة للجفاف الشديد، لكن ما تستخدميهاش وقت التبويض.
4. 🛢 المزلقات الزيتية (زيت زيتون، جوز هند)
فكري في حمل؟ يبقى لا.
بتستخدمي عازل؟ برده لا.
الزيت ممكن يبوظ العازل أو يسبب التهابات.
5. 🧪 المزلقات المانعة للحمل
بتحتوي على مواد بتموّت الحيوانات المنوية (زي Nonoxynol-9).
ممنوعة لو بتخططي للحمل، لأنها كمان بتأذي جدار المهبل وتزود احتمالات العدوى.
طريقة الاستخدام الصح:
- خط رفيع على مدخل المهبل
- نقطتين أو تلاتة على العضو الذكري
- كفاية كده… مش حمّام سباحة!
بس الأهم من المزلق… معالجة الجفاف نفسه!
أسباب الجفاف المهبلي:
- التهابات مهبلية
- اضطراب هرموني
- الرضاعة
- الحمل
- التوتر
يعني المزلق مؤقت، لكن العلاج الحقيقي ممكن يكون في مرطبات موضعية، أو كشف طبي بسيط.
ليه العلاقة المؤلمة بتأخر الحمل؟
لأن الألم بيقلل الرغبة، والرغبة القليلة = عدد علاقات أقل = فرص أقل للحمل.
كمان الضغط النفسي يزيد، وممكن العلاقة كلها تبقى مصدر قلق بدل ما تكون وسيلة تقرب بينك وبين شريكك.
الخلاصة:
أحداهن استبدلت زيت الزيتون بمزلق طبي صديق للحيوانات المنوية.
بطّلت الغسولات المهبليّة، وركّزت على توقيت التبويض.
العلاقة بقت أسهل وألطف. الضغط قل…
وحصل الحمل ❤️ مش لأن المزلق سحر، لكن لأنه سهّل العلاقة وشال عقبة كانت بتعطل الطريق.
