الكيكة اليومية مع كل اسرار نجاح الكيك

الكيكة اليومية مع كل اسرار نجاح الكيك المقادير :
• 2 بيضة بدرجة حرارة المطبخ
• 2 معلقة كبيرة خل
• 2 كيس فانيليا
• 1 و نص كوب سكر أبيض
• 3/4 كوب زيت نباتي لونه فاتح
• 1 كوب حليب بدرجة حرارة المطبخ
• 2 كوب دقيق منخول
• 1 معلقة كبيرة نشا
• ذرة ملح
• 1 كيس بيكنج بودر

طريقة التحضير:
اولاَ في بولة، حطي البيض والخل والفانيليا، واضربيهم بالمضرب اليدوي نص دقيقة.
ثانياً ضيفي السكر الأبيض وكمّلي خفق نص دقيقة كمان.
ثالثاً ضيفي الزيت وقلّبي بالمضرب نص دقيقة.
رابعاً ضيفي الحليب وقلّبي كويس.
خامساً في بولة تانية، اخلطي الدقيق مع النشا والملح والبيكنج بودر، وانخليهم مرتين.
سادساً ضيفي المكونات الجافة على السوايل وقلّبي بالمضرب السلك من تحت لفوق لحد ما الدقيق يختفي.
سابعاً لو عايزاها عالية، استخدمي صينية مقاس 24.
ثامناً لو عايزاها متوسطة، استخدمي صينية 26 خطوه سخّني الفرن قبل الخبز بربع ساعة، واضبطيه على درجة حرارة 160.
اخيراً بتستوي في حوالي 40 دقيقة.

اخيرا  أسرار نجاح الكيك:
الاول البيض والحليب لازم يكونوا بدرجة حرارة المطبخ.
ثاني حاجه نخل الدقيق مرتين بيدخل هوا للعجين وبيخلي الكيكة هشة وخفيفة وكمان الخلط بالمضرب السلك بعد إضافة الدقيق يحافظ على الهوا اللي دخل العجينة.
رابعاً متفتحيش الفرن أول 30 دقيقة نهائي.
خامساً صبي العجينة في الصينية بسرعة أول ما تخلصي التقليب.
و لو وش الكيكة بيغمق، غطيه بفويل بعد أول نص ساعة.
اول لما الكيكة تستوي، اقفلي الفرن وسيبي الباب مفتوح شويه وسيبي الكيكة جوا الفرن 10 دقايق تهدى تدريجي، ده بيمنع هبوط الكيكة.
اخيرا لما تطلعيها، سيبيها تهدى برّه كمان 10 دقايق قبل ما تقلبيها.

بالهنا والشفا