طريقة عمل الباتيه بالجبنة
طريقة عمل الباتيه بالجبنة المقادير:
• 1/2 كيلو دقيق منخول.
• 1 معلقة كبيرة خميرة فورية.
• 4 معلقة كبيرة سكر.
• 4 معلقة كبيرة زيت.
• 1 بيضة.
• رشة ملح.
• ماء دافئ للعجن حسب الحاجة.
• زبدة للتوريق.
• جبنة بيضاء للحشو.
طريقة التحضير:
اول خطوه دوبّي الخميرة مع معلقة سكر في ربع كوب مياه دافية .
ثانياً غطّيها وسيبيها تتفاعل و قلّبي الدقيق مع رشة الملح ثم ضيفي باقي السكر و الزيت و البيضة و الخميرة بعد ما تتفاعل ثم اعجني بالمياه الدافية بالتدريج لحد ما العجينة تلم و كمّلي عجن 10 دقايق لحد ما تبقى ناعمة وطرية ثم غطّي العجينة وسيبيها تخمر في مكان دافي و بعد ما تخمر و بعد كده اقسمي العجينة نصين، وافردي أول جزء على رشة دقيق على شكل مستطيل، وادهنيه بالزبدة كويس وبعد كده قطّعي المستطيل لـ 3 أجزاء بالطول، وبعدين كل جزء قطّعيه نصين بالعرض (يبقوا 6 قطع) و احشي كل قطعة بجبنة بيضا من الطرف، ولفّيها رول، واقفلي الأطراف كويس و كرّري نفس الخطوات في باقي العجينة، ورصّي الباتيه في صينية مدهونة زيتو غطّيه وسيبيه يخمر تاني لحد ما الحجم يتضاعف ادهني الوش بصفار بيضة + معلقة حليب + نقطتين فانيليا سايلة، ورشّي حبة البركة او سمسم. دخّلي الباتيه فرن سخن على 200 درجة على الرف القريب من الأرضية لمدة 10 دقايق لحد ما يحمر من تحت اقفلي الفرن وشغّلي الشواية ياخد لون من فوق أول ما يطلع، رشّيه رشة مياه بسيطة وغطيه بفويل عشان يفضل طري .
لا تعليقات بعد على “طريقة عمل الباتيه بالجبنة ”