مناقيش باللحمة المفرومة بعجينة هشة وطرية
مناقيش باللحمة المفرومة بعجينة هشة وطرية المقادير:
للعجينة:
• 3 كوب دقيق
• 1 ملعقة كبيرة خميرة فورية
• 1 ملعقة كبيرة سكر
• 1/2 ملعقة صغيرة ملح
• 1/4 كوب زيت
• 3/4 كوب حليب دافي (ممكن تزودي حسب نوع الدقيق)
• 1 بيضة (للعجن أو للوش حسب الرغبة)
للحشو:
• 1/2 كيلو لحمة مفرومة
• 1 بصلة كبيرة مبشورة
• 1 فلفل رومي مفروم
• 1 ملعقة كبيرة زيت
• ملح
• فلفل أسود
• بهارات لحمة
• رشة قرفة أو جوزة الطيب (اختياري)
للوجه:
• بيضة + رشة فانيليا أو لبن
• سمسم + حبة البركة
طريقة التحضير:
اولاً قلّبي مكونات العجينة الجافة مع بعض، وضيفي الزيت والحليب الدافي تدريجًا، واعجني لحد ما تبقى عجينة طرية وناعمة.
انياً غطيها وسيبيها تخمر ساعة في مكان دافي.
ثالثاً في طاسة، شوّحي البصل في الزيت، وضيفي اللحمة والفلفل والبهارات، وسيبيها تستوي تمامًا وتبرد.
رابعاً افردي العجينة وقطّعيها دواير، وحطي ملعقة من الحشو في كل دايرة، وطبقيها على شكل نصف دايرة.
خامساً اقفلي الأطراف كويس بأي طريقة تحبيها (بالضغط أو بالتضفير).
سادساً رصيهم في صينية عليها ورق زبدة، وادهني الوش بخليط البيض، ورشي سمسم وحبة البركة.
واخيراً دخليها فرن سخن على 190–200 درجة حوالي 20 دقيقة أو لحد ما تاخد لون دهبي حلو.
