طريقة عمل بيتزا زي المحلات بالظبط

طريقة عمل بيتزا زي المحلات بالظبط لمقادير:
• 3 كوب دقيق
• 1 ملعقة كبيرة خميرة فورية
• 1 ملعقة كبيرة سكر
• 2 ملعقة كبيرة لبن بودر
• 1 ملعقة صغيرة بيكنج بودر
• 3 ملعقة كبيرة زيت
• رشة ملح
• مياه دافية للعجن حسب الحاجة

⸻

طريقة التحضير:
دوّبي الخميرة مع السكر في 1/4 كوب مياه دافية، وغطّيها 10 دقايق لحد ما تفور، في بولة كبيرة، اخلطي الدقيق مع البيكنج بودر، اللبن البودر، ورشة الملح ضيفي الزيت وخليط الخميرة، وابدئي عجني، وضيفي المياه بالتدريج لحد ما العجينة تلم وتبقى طرية ومطاطية غطّيها وسيبيها تخمر في مكان دافي من ساعة ونص لساعتين لحد ما يتضاعف حجمها افردي العجينة في صينية مقاس 30 مدهونة زيت، وخرّميها بالشوكة ادهنيها صلصة بيتزا (جاهزة أو بيتية)، ورشّي رشة زعتر، توم بودرة، بصل بودرة، ريحان وزّعي الحشوة اللي تحبيها:
فراخ، سوسيس، فلفل ألوان، زيتون، جبنة رومي، وموتزاريلا.

• سخّني الفرن على 220 درجة، وادخليها الرف اللي تحت لمدة 15 دقيقة.
• بعد ما تتحمّر من تحت، شغّلي الشواية لحد ما الجبنة تسيح وتاخد لون بسيط.

الوصفة دي تعمل صينيتين مقاس 30.

بالهنا والشفا