طريقة عمل جلاش حلو بالكاسترد

طريقة عمل جلاش حلو بالكاسترد المقادير:
• لفة جلاش
• 1/2 كوب سمنة سايحة
• 1/2 كوب زيت

للكاسترد:
• 2 كوب حليب
• 3 ملعقة كبيرة كاسترد بودرة
• 3 ملعقة كبيرة سكر
• فانيليا

للسيرب (الشربات):
• 2 كوب سكر
• 1 كوب ماء
• عصرة ليمون
• رشة فانيليا

⸻

طريقة التحضير:

• أول حاجة حضّري الشربات: غلي السكر مع المية، وبعد ما يغلي ضيفي عصرة الليمون وسيبيه على نار هادية 10 دقايق، وفي الآخر ضيفي الفانيليا، وسيبيه يبرد حضّري الكاسترد: قلّبي الكاسترد مع السكر في شوية حليب بارد، وكملي عليهم باقي الحليب وسخّنيهم على النار مع التقليب لحد ما القوام يتقل غطيه واسيبيه يبرد تمامًا قبل الاستخدام.
افردي طبقات الجلاش في صينية مدهونة سمنة، وادهني بين كل طبقة والتانية خليط السمنة والزيت، لحد ما توصلي لنص اللفة افردي الكاسترد البارد على الطبقات، وكمّلي باقي طبقات الجلاش بنفس الطريقة قطّعي الجلاش وهو نايم داير ما يدور زي الشكل اللي في الصورة. ادخلي الصينية فرن سخن على 180 درجة لحد ما ياخد لون دهبي حلو. أول ما يطلع سخن، صبّي عليه السيرب البارد.

⸻

 ممكن تغيّري الحشوة حسب المتوفر أو حسب ذوقك:
• بدل الكاسترد:
– مهلبية سادة أو مهلبية بجوز الهند
– قشطة (قشطة فلاحي أو علب)
– مكسرات
– شوكولاتة سبريد

بالهنا والشفا