سينابون بصوص كريمي زي الجاهز بالظبط

سينابون بصوص كريمي زي الجاهز بالظبط المقادير:

للعجينة:
• 1 كوب حليب دافي
• 1/2 كوب سكر
• 2 بيضة
• 1/2 كوب زبدة طرية
• 2 ملعقة صغيرة خميرة فورية
• رشة بيكنج بودر
• رشة كربوناتو (بيكنج صودا)
• رشة ملح
• 1 ملعقة صغيرة فانيليا
• 4 كوب دقيق

للحشو:
1- 1/2 كوب زبدة طرية (لدهن العجينة)
2- 1 كوب سكر بني
3- 4–5 ملعقة كبيرة قرفة
5- (اختياري: 1/2 ملعقة كاكاو أو نسكويك)

طريقة التحضير:

اولا في بولة كبيرة، اخلطي كل المكونات مع بعض ماعدا الدقيق، وقلّبيهم كويس لحد ما يمتزجوا.
وبعدين ضيفي الدقيق بالتدريج واعجني لحد ما تبقى عجينة طرية ومتماسكة ومابتلزقش.
ثم غطيها وسيبيها تخمر ساعة ونص لـ ساعتين في مكان دافي و افردي العجينة على سطح مرشوش دقيق، على شكل مستطيل وسُمك حوالي 1 سم وبعد كده ادهنيها زبدة، ووزّعي عليها خليط السكر البني والقرفة (والكاكاو لو حابة).
حلو جدا لفّي بقي العجينة رول وقطّعيها باستخدام خيط أو بأي طريقة تديكِ شكل حلزوني حلو.
و رصّي القطع في صينية مدهونة زبدة أو فيها ورق زبدة، وسيبي مسافة 2 سم بين كل واحدة.
• غطيها وسيبيها تخمر تاني لمدة ساعةو دخّليها فرن مسخن على 200 درجة لمدة 15 دقيقة لحد ما تاخد لون دهبي فاتح واخيراً أول ما تطلع، سيبيها 5 دقايق، وبعد كده نزلّي عليها الصوص.

⸻

مقادير الصوص:
• 1/4 كوب جبنة كريمي.
• 1 ملعقة كبيرة زبدة طرية.
• 1 و 1/4 كوب سكر بودرة.
• 4 ملعقة كبيرة حليب.
• 1/2 ملعقة صغيرة فانيليا.

• اخفقي المكونات كلها في بولة بمضرب كهربا لحد ما يبقى قوامه ناعم وكريمي.
• لو عايزة الصوص أخف، زوّدي شوية حليب.
• افرديه على السينابون وهو دافي مش سخن، علشان الصوص يفضل ماسك مش سايح.

بالهنا والشفا